Çudira shqiptare/ Presidenti i Shqipërisë me macen Sasha dhe qenin Darko…

Ilir Meta nuk çuditë vetëm në politikë dhe strategjinë e tij, miqtë ose shtetet që i trajton mike, prezencën e djeshme në Samitin e SEECP nikoqiri i së cilës nuk e do Kosovën të jetë prezente, por Presidenti çuditë dhe për kafshët që i adhuron.

Në Jahorinë të Sarajevës ku u zhvillua Samiti i SEECP, ai nuk ka përkëdhelur vetëm kriminelin serb Millorad Dodik, por në përshëndetjen e mëngjesit të sotëm ai ka përkëdhelur edhe një qenë. Nuk dihet se nga i erdhi dashuria për kafshët apo pse ai mbante një emër serb, Darko.

Në përshëndetjen e mëngjesit, Presidenti i Republikës thotë se Darko është miku i tij i ri, por ky burim i pashtershëm i çudirave e sqaron situatën duke konfirmuar se dashuria më e madhe vjen nga emri serb. Në urimin e tij për macën e dashur që ka në Tiranë, e zbulon përmes emrit të saj, këtë pikë të dobët që nuk e ka fshehë për politikanët e Serbisë; Dhe, nuk kishte si ta pagëzonte ndryshe macën përveç se me emër serb, Sasha!

Kështu Presidenti i Republikës me qenin Darko dhe macen Sasha, jep dhe një mesazh nga Jahorina e Sarajevës:

“Thonë se macet me qentë nuk shkojnë, por ky nuk është rasti”.

Pas këtij mesazhi të koduar, pritet çkodimi nga Edi Rama, i cili fal Ish-Gjeneralit Sandër Lleshaj do të na zbuloj nëse Kryeministri është qeni apo maca e konfliktit Rama-Meta!

Mesazhi i Metes 

Mirëmëngjes të dashur miq nga Jahorina e Bosnjës!
Unë e nisa mbarë ditën sot me Darkon. Uroj një ditë të mbarë edhe për ju!