Kandidat për Kryeprokuror/ KPK, konfirmohet në detyrë Olsian Çela

Komisioni i Pavarur i Kualifikimit, KPK, konfirmoi sot në detyrë kandidatin për Kryeprokuror, Olsian Çela.  

“Trupi gjykues pasi shqyrtoi të gjithë dokumentacionin e dërguar nga institucionet e verifikimit zhvilloi një procedurë të thellë hetimi administrativ, dëgjoi subjektin e rivlerësimit në seancën e datën 19 korrik 2019 në respektim të të drejtave të tij për një proces të rregullt ligjor e konsideron të përfunduar seancën dëgjimore. Në konkluzion të këtij procesi rivlerësimi, trupi gjykues i përbërë nga unë Lulzim Hamitaj, kryesues, Olsi Komici, relator dhe Brunilda Berkteshi anëtare, vendosi konfirmimin në detyrë të subjektit të rivlerësimit, Olsian Çelën,” tha kryesuesi i trupës gjykuese, Lulzim Hamitaj.

Ndryshe, Olsian Çela aktualisht është Prokuror te Krimet e Rënda ndërsa e ka drejtuar këtë prokurori në periudhën 2008-2012 .