Teatri i ri Kombëtar/ Përgjigje Ramës, PD: Projekt për pastrimin e parave të drogës!

Pasi Kryeministri Edi Rama nuk përfilli as kërkesat e Aleancës për Mbrojtjen e Teatrit dhe as Opozitës dhe Presidentit por u shpreh i vendosur se Teatri i ri Kombëtar do të ndërtohet dhe kush s’është dakord është i respektuar, por s’ka as mandat as të drejtë të pengojë, reagon Partia Demokratike përmes Sekretarit për Çështjet Ligjore, Çlirim Gjata, i cili duke vlerësuar se kemi të bëjmë me një projekt për pastrimin e parave të trafikut të drogës dhe të korrupsionit e akuzon Edi Ramën si hajdut legjendar.

“Projekti për shkatërrimin e Teatrin është projekt kriminal për grabitjen e pasurive publike. Është projekt për pastrimin e parave të trafikut të drogës dhe të korrupsionit. Është projekt që dhunon Kushtetutën dhe ligjim,” thekson Partia Demokratike duke shtuar se Edi Rama nuk ndalet po nuk vodhi gjithë Shqipërinë:

“Është hajdutëri me ligj personal nga hajduti legjendar psiqik Edi Rama, i cili nuk ndalet po nuk vodhi gjithë Shqipërinë. Projekti për shkatërrimin e Teatrit Kombëtar është projekt për eliminimin e trashëgimisë kulturore.”