“Trumpi i Britanisë”, Johnson: Marrëdhëniet mes SHBA dhe Britanisë do të jenë sensacionale!

Marrëdhëniet në mes të Britanisë së Madhe dhe Shtetet e Bashkuara do të jenë sensacionale tani që Boris Johnson është kryeministër i Britanisë. Kështu u shpreh Ambasadori amerikan në Britaninë e Madhe, Woody Johnson, për BBC duke shtuar se të dy kanë shumë të përbashkëta sa i përket stilit të udhëheqësisë së tyre dhe kërkojnë që gjërat të kryhen.

Sipas tij një Brexit pa marrëveshje, nuk do të ndikojë në aftësinë e Britanisë për të nënshkruar një marrëveshje tregtare më SHBA-në.

Presidenti amerikan ka mirëpritur lajmin për ngritjen e Johnsonit në detyrë, duke thënë se ai do të bëjë punë të mrekullueshme, pas sipas tij ai është “Trumpi i Britanisë”, raporton RFE.

Një mbështetës i idesë së largimit të Britanisë nga Bashkimi Evropian, Trump ka qenë kritik i ish-kryeministres britanike, Theresa May, sa u përket negociatave më bllokun evropian.

Në mes tyre ka pasur tensione edhe për ndryshimet klimatike, si dhe rreth qëndrimeve të presidentit amerikan për racën dhe imigrimin.