Pas të nxehtit ekstrem/ Itali, 3 të vdekur nga stuhia dhe shtrëngatat…

Pas një jave me temperatura ekstreme, moti i keq me stuhi e shtrëngata ka përfshirë Italinë, duke i marrë jetën tre personave.

Gjatë natës u raportua se kishte humbur jetën një grua në zonën e Focene, në Fiumicino, ndërsa mësohet se deri më tani numri i viktimave ka shkuar në tre.

Mediet e huaja raportojnë se viktima kanë mbetur një 26-vjeçare, një e moshuar 72 vjeçe dhe një atlete norvegjeze.

Moti i keq me shira të dendur dhe përmbytje masive ka përfshirë gjithë vendin, ndërsa pritet të vijojë edhe në orët e pasdites.

Meteorologët parashikojnë që vala e stuhive dhe shiut do të lëvizë me shpejtësi drejt veriperëndimit drejt Emilias, Venetos dhe Friulit, ndërsa jugu, dhe veçanërisht Siçilia do të përjetojnë mot me diell.