Kërkoi arrestimin e Saimir Tahirit/ Tahiri i lirë, prokurorin e shkarkon KPA!

Prokurori i Krimeve të Rënda, Gentjan Osmani i cili kërkoi arrestimin e Ish-Ministrit të Brendshëm, Saimir Tahiri, për organizimin e grupit të strukturar kriminal sot u shkarkua Kolegji i Posaçëm i Apelimit, KPA, ndërsa Tahiri vazhdon të tallet me Gjykatën, Prokurorinë dhe të gjithë aa që e akuzuan dhe dëshmuan për trafik ndërkombëtar të drogës.

Kolegji i Posaçëm i Apelimit ka vendosur sot shkarkimin nga detyra të Prokurorit të Krimeve të Rënda dhe anëtarit të Këshillit të Lartë të Prokurorisë, Gentjan Osmani, me arsyetimin se KPA nuk ka provuar deklarimet e dhëna nga prokurori për kriterin e pasurisë.

Sipas Komisionerit Publik ankimi mbi vendimin që konfimroi në detyrë Osmanin u rekomandua nga ONM. Komisionerit Publik vlerëson se Osmani gjendet në kushtet e deklarimit të pamjaftueshëm të pasurisë.

“Nga krahasimi i deklaratës vetting të Osmanit me të tjera, është deklaruar një pasuri 96 m2, në bashkëpronësi me bashkëshorten. Burimi i krijimit të pasurisë 82 mijë euro është deklaruar shitja e një apartamenti të mëparshëm 72 m2. Për tu vlerësuar nëse pasuria është krijuar në burime të ligjshme, analiza bëhët për burimin e krijimit të pasurisë së parë. Për të subjekti ka deklaruar si burim, kursimet cash të grumbulluara prej tij dhe bashkëshortes, hua dhe kursimet rezultojne të justifikuara.”

Ndryshe Gentjan Osmani e kishte kaluar shkallën e parë të vettingut, në Komisionin e Pavarur të Kualifikimit, por në Apel u dërgua pas ankimimit nga Komisioneri Publik.