Pa zgjedhje nuk ka demokraci!/ Pas dështimit të 13 Tetorit, me Ilir Metën nuk ka Shqipëri!
E vetmja zgjidhje janë zgjedhjet! Ky është mesazhi i Presidentit të Republikës, Ilir Meta, një ditë pas skadimit të afatit për regjistrimin e partive politike për zgjedhjet e Dekretuara vendore të 13 Tetorit, i cili edhe pse e degradoi institucionin e Presidencës me ndihmën e mikut të tij Edi Rama, jep leksione demokracie.
“Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët,” thekson Ilir Meta në përpjekje për të bindur shqiptarët se njeriu të cilin e bëri Kryeministër është pakica që nuk njeh rotacion dhe nuk e do çeljen e negociatave të Shqipërisë me Bashkimin Europian, dhe moszgjidhja i shërben vetëm atij pasi ka për të humbur gradualisht pushtetin e paligjshëm politik, ekonomik dhe mediatik.
Por, shqiptarët nuk kanë nevojë për leksione të tilla demokracie. Ata janë të qartë se pa zgjedhje nuk ka demokraci, ashtu si edhe pushtetin e paligjshëm politik, ekonomik dhe mediatik që po e humbë Edi Rama.
Dhe, shqiptarët janë gjithashtu të qartë se armiku i zgjedhjeve dhe demokracisë shqiptare, është njeriu që e zgjodhi Kryeministër armikun e të gjithë shqiptarëve, Edi Ramën, dhe sot po i detyron shqiptarët ta bëjnë armik sepse ai u acarua për momentin në ndarjen e fushave të inetersit, pra, Ilir Meta.
Po, është e vërtetë se pa zgjedhje nuk ka demokraci në Shqipëria, por e kaluara politike e këtij vendi na mëson edhe se me Ilir Metën, nuk ka Shqipëri!
Ja statusi i plotë:
E vetmja zgjidhje janë zgjedhjet. Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët.
Moszgjidhja i shërben vetëm pakicës që nuk njeh rotacion dhe nuk e do çeljen e negociatave të Shqipërisë?? me Bashkimin Europian??, pasi ka për të humbur gradualisht pushtetin e paligjshëm politik, ekonomik dhe mediatik.
18 tetori po afron!
