Komplot terrorist, policia suedeze arreston një person

Policia në Suedi ka ndaluar një person, nën dyshimin se ka komplotuar për të kryer “krime terroriste”, njoftoi sot prokuroria suedeze, raporton RFE.

Radio suedeze tha se personi ishte nga Uzbekistani, ndërkaq e përditshmja Aftonbladet tha se policia po heton lidhjen e të dyshuarit me Rakhmat Akilov, një terrorist uzbek, i dënuar për vrasjen e pesë personave në Stokholm më 2017.

Në deklaratë, policia tha se ky person u ndalua derisa po drejtonte një automjet në qytetin Ostersund, dhe u paraburgos për shkak të dyshimeve të një komploti për të kryer vrasje.

Zëdhënësi i policisë nuk pranoi të tregojë kombësinë e të dyshuarit.

“Ne po zhvillojmë marrjen në pyetje dhe rishikim e dëshmive” tha ai.