Balla e Ahmetaj paralajmërojnë shkarkimin e një tjetër drejtuesi të lartë…

Nga Prrenjasi ku është zhvilluar takimi i rradhës në kuadër të turit të llogaridhënies publike të qeverisë, është paralajmëruar shkarkimi i një tjetër drejtori të përgjithshëm.

Në këtë takim, një qytetar u ankua se i ka drejtuar një letër Drejtorit të Përgjithshëm të ISSH-së, Astrit Hado, por nuk ka marrë përgjigje.

Kaq ka mjaftuar që ministri i Financave, Arben Ahmetaj, dhe kreu i Grupit parlamentar të PS-së, Taulant Balla, të pohojnë se “drejtori shkarkohet nëse ka shkelur afatin në kthimin e përgjigjes”.

Hado është zgjedhur në krye të ISSH në 2016 dhe për 9 vjet ka mbajtur postin e nëndrejtorit në ISSH. Nuk dihet sesa seriozisht e kanë pasur paralajmërimin Balla dhe Ahmetaj, por duket se socialistët po shfrytëzojnë çdo ankesë në turin e llogaridhënies për të pastruar administratën …