Paralajmërimi, Ambasada e SHBA: SPAK do të hetojë “të paprekshmit” e Shqipërisë!
Struktura e Posaçme Anti-Korrupsion dhe Anti-Krim i Organizuar, SPAK, është një insitucion i ri kushtetues, detyra e të cilit është të hetojë dhe të ndjekë penalisht korrupsionin, krimin e organizuar si dhe krimet e kryera nga zyrtarë të nivelit të lartë. Ambasada e SHBA në Tiranë duke folru për SPAK dhe si do t’i ndjekë ky institucion penalisht rastet e korrupsionit në nivelet më të larta paralajmëron edhe zyrtarët aktualë”
“Mësoni se si SPAK do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë, duke përfshirë zyrtarë të tanishëm dhe ish-zyrtarë të lartë,” thekson Ambasada e SHBA në Tiranë përmes një postimi në rrjetin social Facebook shoqëruar dhe me video:
Pse nevojitet SPAK?
Në sistemin e vjetër gjyqësor, zyrtarët e nivelit të lartë të korruptuar dhe bosët e krimit të organizuar ishin të “paprekshëm” sepse gjyqtarët dhe prokuroret e korruptuar ose të kërcënuar nuk i nxirrnin përpara drejtësisë. Cmimin e paguante gjithë vendi.
Si e korrigjon këtë problem SPAKU-u?
Do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë. Këtu përfshihen zyrtarë të tanishëm dhe ish zyrtarë të lartë.
Anëtarët e SPAK do duhet të kalojnë vetingun dhe zgjidhen nga KLP, jo nga politikanë apo zyrtarë të korruptuar.
Prokurorët e posacëm do ti nënshtrohen monitorimit të vazhdueshëm të financave dhe telefonave të tyre për të parandaluar korruptimin apo kanosjen e tyre.
