Kapet rreth 1 ton kanabis në Janinë, policia greke…

Rreth 1 ton kanabis është sekuestruar nga policia greke në rajonin e Janinës, ndërsa në pranga ka përfunduar një 30 vjeçar shqiptar.

Më konkretisht, 951 kg e 650 gram kanabis, i cili po transportohej me një furgon, u sekuestrua në kryqëzimin Eleousa në Janinë.

Shoferi 30-vjeçar i automjetit u arrestua ndërsa hetimi po vijon nga sektori kundër Drogës në Drejtorinë e Sigurisë në Janinë.

Policia greke tha se ka sekuestruar rreth një ton marijuanë në një furgon që u bllokua në hyrje të Janinës. Sipas policisë greke, operacioni kishte nisur në brezin kuftar dhe shoferi i automjetit që rezulton i vjedhur është një 30 vjeçar, shtetas i huaj.

Sipas mediave greke dyshohet se lënda narkotike ishte transportuar nga brezi kufitar në sasi të vogla në furgonin që kishte destinacion qytetet në thellësi të Greqisë. Operacioni antidrogë u krye nga Divizioni i Antidrogës Greke dhe sasia e narkotikëve është ndër më të mëdhatë e bllokuara gjatë viteve të fundit nga policia greke.