Operacion amerikan, Presidenti Trump: Hamza bin Laden është vrarë!

Presidenti amerikan, Donald Trump, ka konfirmuar se Hamza bin Laden, është vrarë gjatë një operacioni anti-terrorist në rajonin mes Afganistanit dhe Pakistanit, raporton Agjencia e lajmeve Reuters.

Muajin e kaluar Sekretari amerikan i Mbrojtjes, Mark Esper, e konfirmoi se Hamzai, i biri i themeluesit të Al-Qaedas, Osama bin Laden, ishte vrarë.

“Kështu kam kuptuar unë”, kishte thënë Esper në një intervistë për Fox News, kur ishte pyetur nëse Hamza Bin Laden është i vdekur, raporton Agjencia e lajmeve AFP, duke shtuar:

“Nuk kam detaje për këtë rast. Edhe nëse do të kisha, nuk jam i sigurt nëse do të mund t’i ndaja me ju!”