Përmbytet Tirana/ 3 shkolla pushtohen nga uji, pezullohet mësimi

Pas reshjeve të mbrëmshme të shiut ku u përmbytën shumë zona në Tiranë, pësuan edhe 3 shkolla 9-vjeçare ku u pezullua mësimi: “Sabaudin Gabrani”, Yzberisht” dhe shkolla 9-vjeçare Lalm.

Pas situatës së krijuar në këto shkolla të pushtuara nga shiu, ministrja e Arsimit, Besa Shahini, tha se sot në këto shkolla nuk bëhet mësim.

“Ekipet e Bashkisë dhe Ministrisë janë duke punuar në terren. Dita e mësimit sot do të zëvendësohet në një ditë tjetër ndërsa po përpiqemi që këto shkolla të hapen nesër,” ka bërë të ditur ministrja e Arsimit përmes rrjetit social Facebook.