Vjosa Osmani: Nuk do të lejojë përçarjen e LDK-së!

Kandidatja për kryeministre e Lidhjes Demokratike të Kosovës, Vjosa Osmani kur kanë mbetur vetëm edhe tre ditë nga zgjedhjet ndërsa sulmet ndaj saj dhe LDK-së janë intensifikuar, ajo nga Podujeva u zotua se do ta mbajë premtimin që i ka dhënë të ndjerit Agim Kikaj: Nuk do të lejojë që të përçahet LDK-ja!

“Me Agim Kikajn unë kam ndarë zyrën për disa vite me radhë. Në librin e përkujtimeve unë e kam shkruar një fjali – është që premtimin që ta kam dhënë do të mbajë deri në fund:

Kur njerëzit e nëntokës tentonin të na përçanin, njeriu më i butë i LDK-së ka qenë Agim Kikaj. I kam premtuar atij që nuk do ta lejoj askënd që ta përçajë Lidhjen Demokratike të Kosovës.”

Sot kur kanë mbetur vetëm edhe tre ditë deri tek ndryshimi, Vjosa Osmani tha se ky ndryshim i madh do të festohet së bashku me 6 Tetor:

“Ne i kemi edhe këto tre ditë për t’i treguar të gjithë botës se sa të mishëruar me frymën Rugoviane ne jemi qe 30 vjet. Jemi besatuar me njëri-tjetrin sikur në kohën e presidentit historik, Ibrahim Rugovës.”