“Sistemi transparent i drejtësisë”, Ambasada e SHBA: 1 në 3 gjyqtarë deklaruan 250 mijë € në vit!

Duke konfirmuar se Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën, Ambasada e Shteteve të Bashkuara në Tiranë thekson se çdo javë do të nënvizojë një nismë për të luftuar korrupsionin në Shqipëri, e këtë javë, sjellë punën e USAID që ka punuar me partnerë për të përmirësuar sistemin gjyqësor prej vitit 2003.

“Ambasada e SHBA në Shqipëri do të vazhdojë të punojë me partnerët shqiptarë për të ndihmuar ngritjen e një sistemi drejtësie që është transparent, eficient dhe i lirë nga korrupsioni. Ky është sistemi i drejtësisë që ju, populli shqiptar, meritoni,”thekson Ambasada e Shteteve të Bashkuara në Tiranë përmes një mesazhi të shoqëruar dhe me një video ku jepet dhe një fakt tronditës:

“A e dini se paga mesatare për një gjyqtar është 10 mijë euro në vit? Megjithatë, një 1 në 3 gjyqtarë deklaruan pasuri me vlerë mbi 250 mijë euro në vit. Disa deklarojnë disa miliona dollarë.”

Ja postimi i plotë:

Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë.

Çdo javë do të nënvizojmë një nismë që kemi ndërmarrë për të luftuar korrupsionin në Shqipëri.

Këtë javë, mësoni se si USAID ka punuar me partnerë për të përmirësuar sistemin gjyqësor prej vitit 2003.

Ambasada e SHBA në Shqipëri do të vazhdojë të punojë me partnerët shqiptarë për të ndihmuar ngritjen e një sistemi drejtësie që është transparent, eficient dhe i lirë nga korrupsioni. Ky është sistemi i drejtësisë që ju, populli shqiptar, meritoni.