Mini Shengeni, Albin Kurti: Kjo punë nuk nis me Serbinë!

Takimin trepalësh të liderëve të Ballkanit Perëndimor në Ohër, Kryetari i Lëvizjes Vetëvendosje dhe Kryeministri i ardhshëm i Kosovës, Albin Kurti, e quan të nxituar duke shtuar se Shqipëria zyrtare është dashur të presë të formohet Qeveria e re e Kosovës, e jo të nxitohet me takime në Novi Sad e Ohër.

Dhe jo vetëm kaq! Albin Kurti mendon se projekte të këtij llloji Shqipëria duhet ti nisë me Kosovën dhe jo me Serbinë.

“Një lloj vrapi në Novi Sad dhe në Shkup, është gabim në hapa. Nuk nis me Serbinë kjo punë. Nis Kosovë-Shqipëri, vazhdon Kroaci-Bullgari, vazhdon Sarajevë zyrtare, Podgoricë zyrtare, Shkup zyrtar e Beogradi në fund. Sepse i tillë çfarë është ai i pa penduar për luftërat dhe krimet e shkaktuara në luftim të vazhdueshëm me Moskën e Putinit nuk mund të ketë. Rrjedhimisht mendoj që edhe mbledhja e Novi Sadit edhe mbledhja e Ohrit ishin gabim në hapa.”

Duke mos kuptuar nxitimin e Edi Ramës, Kurti sjellë në vemendje vërejtjen e Tiranës zyrtare se për shumë vjet Kosova nuk kishte Qeveri të denjë për bashkëpunim, por mund të priste për pak javë.

“Shqipëria zyrtare u ankua se nuk ka pasur qeveri të denjë në Kosovë, për bashkëpunim çfarë ajo ka dashur, e ka qenë e nevojshëm për të gjithë neve. Meqenëse ka pritur Shqipëria zyrtare për një qeveri të denjë të Kosovës shumë vjet, ka mundur të pres edhe pak javë që të formohet kjo qeveri, e të bashkëpunojmë siç duam të gjithë ne.”