“75 vjetori i çlirimit të Tiranës”, Basha: Reflektim dhe veprim, të mos lejojmë rivendosjen e diktaturës parti-shtet- krim!

Në 75 vjetorin e largimit të pushtuesit fashist nga kryeqyteti shqiptar, Kryetari i Partisë Demokratike, Lulzim Basha, bëri homazhe tek Memoriali i 36 intelektualëve shqiptarë të ekzekutuar nga kriminelët komunistë, pikërisht në ditën kur filloi pushtimi komunist, që zyrtarisht festohet si “Dita e çlirimit të Tiranës”.

“Nderim përjetë intelektualëve dhe patriotëve të shquar të masakruar në valën e terrorit anti-kombëtar komunist në Nëntor 1944,” tha Lulzim Basha pasi vuri kurorë me lule tek Memoriali duke shtuar:

“Sakrifica sublime e mijëra shqiptarëve që u vranë me dhe pa gjyq nga regjimi komunist, kërkon reflektim dhe veprim për të mos lejuar me asnjë çmim rivendosjen e diktaturës parti-shtet- krim!”

Në këtë ceremoni, Kryetari i Partisë, Demokratike, Lulzim Basha, i shoqëruar nga Ish-Deputetë të PD-së, takoi familjet tiranase që komunistët i vranë njerëzit e tyre më të dashur.