Me banorët e prekur nga tërmeti, Basha: Kjo është Shqipëria e vërtetë…

Kryetari i Partisë Demokratike, Lulzim Basha, sot ka vizituar qytetarët e prekur nga tërmeti të strehuar në hotelet e llixhave të Elbasanit. Duke 60 personat e ardhur nga Durrësi prej dy ditësh, Lulzim Basha ka shprehur mirënjohje hotelierëve dhe personelit.

“Hotelet në Llixhat e Elbasanit kanë hapur dyert për familjet e goditura nga tërmeti dhe janë gati të akomodojnë qindra njerëz në nevojë. 60 të parët kanë ardhur prej dy ditësh, kryesisht nga Durrësi,” thekson Lulzim Basha përmes rrjetit social Facebook pasi takoi qytetarët e prekur nga tërmeti ndërsa shprehjen mirënjohje për mikpritjen:

“Jam i prekur dhe thellësisht mirënjohës për zemërgjerësinë bujare dhe dhembshurinë njerëzore të hotelierëve dhe personelit të hoteleve. Kjo është Shqipëria e vërtetë e njerëzve me zemër të madhe!”