“KED e re që duam”/ Presidenti e quan mafioz, por shorti sërish e zgjedh Ardian Dvoranin kryetar

Për Presidentin e Republikës, Ilir Meta, ai është mafioz, madje edhe i akuzuar për shpërdorim detyre, por goglat mendojnë ndryshe për Ardian Dvoranin. Pas shortit të organizuar nga Presidenca për zgjedhjen e Këshillit të ri të Emërimeve në Drejtësi, ku në short nuk është hedhur emri i Ardian Dvoranit i cili ishte dhe kandidati i vetëm nga Gjykata e Lartë, u quajt i miratuar. Sipas Reformës në Drejtësi, pra Kushtetutës, Këshilli i Emërimeve në Drejtësi, KED, drejtohet nga anëtari i zgjedhur nga Gjykata e Lartë, që në këtë rast i bie të jetë sërish Adrian Dvorani.

“Kryetar i Këshillit të Emërimeve në Drejtësi është anëtari i Gjykatës së Lartë. Gjykata e Lartë krijon kushtet e punës për ushtrimin e veprimtarisë së Këshillit të Emërimeve në Drejtësi”, thuhet në pikën 4 të nenit 149/d të Kushtetutës.

Për KED goglat nuk i prishën terezinë as Arta Markut e cila ka fituar sërish këtë post nga radhët e Prokurorisë së Përgjithshme, pas hedhjes së goglave

Ndërkohë goglat kanë përzgjedhur dy anëtarët e rinj të KED-së nga radhët e Gjykatës Kushtetuese, të cilët do të jenë Fjona Papajorgji dhe Vitore Tusha.

Shorti me gogla

Kandidatët nga Gjykata Kushtetuese

1 – Fjona Papajorgji- Anëtare e KED-së

2 – Vitore Tusha- Anëtare e KED-së

Anëtari Zëvendësues

1 – Marsida Xhaferrllari- Anëtare Zëvendësuese e KED-së

Anëtar i Gjykatës së Lartë

1- Ardian Dvorani, kryetar i KED

Kandidatët nga Prokuroria e Përgjithshme

1 – Arta Marku – anëtare e KED-së

Anëtari zëvendësues

1- Bilbil Mete, anëtar i KED

Kandidatët nga Gjykatat e Apelit

1-  Miranda Andoni, anëtare e KED

2- Saida Dollani, anëtare e KED

Zëvendësuesi

1- Nazmi Troka, anëtar i KED

Prokurorët pranë Gjykatave të Apelit

1 – Ludovik Dodaj, anëtar i KED

2-  Fatjona Memçaj, anëtare e KED

Zëvendësuesi

1 – Nezir Gjokaj anëtar i KED

Gjykatat e Apelit dhe Shkalla e Parë

1 – Arjan Qafa, anëtar i KED

Zëvendësuesi
1 – Marjana Velaçani Idriz