Zgjedhjet presidenciale/ Kroaci, ja kush shkon në raundin e dytë…

 Pas mbylljes së qendrave të votimit në orën 19:00, KQZ e Kroaciaë ka dhënē rezultatet e para paraprake në orën 20:10 ku prej 2.535 qendra të votimit të numëruara nga gjithsejtë 6.533, rezulton se Zoran Milanoviç dhe Kolinda Grabar Kitaroviç do të vazhdojnë garën për president në raundin e dytë.

Kështu sipas rezultateve paraprake, Zoran Milanović mori 32,02%, Kolinda Grabar-Kitarović 27,99%, Miroslav Škoro 21,78%, Mislav Kolakušić  5,79%, Dario Juričan 3,19%, Ivan Pernar 2,83% Dalija Orešković 2,77%,Katarina Peović 1,07%, Dejan Kovač 0,89%, Nedjeljko Babić 0,25% dhe Anto Đapić 0,22%.

Ndërkohë pas orës 19:00 kanë dal edhe exit-pollet e para që nuk dallojnë nga rezultatet e KQZ.

Sipas anketave përfundimtare Zoran Milanović ka marrë 28,69%, Kolinda Grabar-Kitarović 25,63%, Miroslav Škoro 24,26%, Mislav Kolakušić  6,23%, Dario Juričan 4,77%, Dalija Orešković 3,39%, Ivan Pernar 2,78%, Katarina Peović 1,11%, Dejan Kovač 1,07%, Nedeljko Babić 0,45% dhe Anto Đapić 0,37%.

Ndryshe, sot 3.8 milionë qytetarë me të drejtë vote kanë votuar për Presidentin e Kroacisë në mandatin e ardhshëm 5 vjeçar.