Kryesia e PS/ Vendimet dhe Kriza politike, Edi Rama: Do të reflektojmë kur shohim që ka ide!

Kryesia e Partisë Socialiste sot mori vendim që të zhvilloj Kongresin më 29 Shkurt ndërsa u shqyrtuan edhe kandidaturat  për kryetar të degëve.

Pas përfundimit të mbledhjes së Kryesisë, Kryetari i Partisë Socialiste, Edi Rama duke fol për vendimet e miratuara tha se PS ka nisur përgatitjet për kryetarët e degëve në të gjithë vendin dhe sipas tij zgjedhjet duken larg ato janë nesër qershori 2021 është shumë afër politikisht.

“Jemi në një proces organizmi ripërtëritje dhe përgatitje për zgjedhjet e ardhshme. Pasi kemi zgjedhur kryetarët kemi përfshirë edhe gratë në procesin e përfshirjes, duke vendosur të fillojmë të zbatojmë një normë të re organizmi ku drejtimi i besohet një burri ose një djali, një gruaje ose një vajze. Tashmë ka ardhur koha për kryetarët e partisë, për këtë propozimet janë trajtuar në kryesi dhe kanë marr miratimin për të vijuar më pas me garën.

Kudo procesi ecën sipas normave të paracaktuara diku më shpejt dikur më ngadalë, diku më mirë diku më dobët, në përgjithësi ky proces na ka dhënë atë që kemi pritur na ka dhënë një energji të re ripërtëritje të domosdoshme, edhe pse zgjedhjet duken larg ato janë nesër qershori 2021 është shumë afër politikisht.”

Inorizoi dekretet dhe çdekretimet e Presidentit të Republikës ndërsa për situatën e krijuar në Shkodër nuk kishte përgjigje por fyerje si zakonisht.

“Me presidentin nuk kemi komunikim, situata post zgjedhore karatkretizohet nga një inerci që lidhet me histori dekrete çdekrete kemi për detyrë të garantojmë vazhdimësinë normale të qeverisjes, sa i përket Shkodrës nuk ka një vendim është në situatën më të rëndë, ka një kryetare që është e nuk është kryetare, po është një çështje që nuk është në dorën tonë, presim të marri një zgjidhje.”

I dështuari jep leksione politike për opozitën

Edi Rama, i cili me politikën e tij të dështuar përtej të majtës dhe të djathtës iu kthye gallatës duke I fyer grave kryefamiljarët ndërsa sot mori guximin të jep edhe leksione politike për opozitën. Ndonëse me sjelljet e tij I dha të drejtë opozitës që iku nga Parlamenti, soti ai deklaroi se PD dëmtoi veten kur vendosi që të djegë mandatet, duke u larguar nga parlamenti.

Për zgjidhjen e krizës sërish ka një zgjidhje të çuditshme dhe ofertë për opozitën: “Unë mendoj që vendi nuk ka vakum. Nuk ka vakum për arsye sepse Kuvendi funksionon, procesi legjislativ ecën. Reformat po i çojmë përpara. Me prioritetet tona do i japim shtysë të re kësaj faze të dytë të mandatit. Kjo do të ketë shtysë në aspektin e luftës kundër krimit të organizuar dhe korrupsionit. Për të përfunduar një proces të çështjes së pronave. Në janar njerëzit nuk do të duhet të shkojnë nëpër sportele. Brenda 2020 të gjitha shërbimet do të jenë në fazën e shërbimeve online. Do ishte mirë që PD të ishte në parlament. Por ka marrë vendimin e vet të ikë. Është vendim që tregon se ka dëmtuar rëndë vet PD-së dhe padyshim se ka bërë më të mirë jetën politike të vendit. Por nuk është se e ka cenuar në pikën e mosfunksionimit. Mund të funksionin gjërat më mirë, por gjithmonë nuk ka diskutim që ne jemi të gatshëm të ulemi në tryezë. Të dëgjojmë, të mbajmë shënim. Të reflektojmë kur shohim që ka ide. Ne jemi të votuar dhe të dënuar që të udhëheqim. Nuk jemi këtu që të presim që dikush të zgjohet nga gjumi dhe të shtriqet. Të gjitha idetë respektive të çdo force politike janë legjitime. Por duhet të implementohen rekomandime e OSBE/OHDIR. Kemi qenë të hapur që të dëgjojmë versionet e çdo pale për mënyrën se si dëgjojmë. Por në zgjedhjet e ardhshme kemi komisionin larg politikës. Votat si proces do t’u besohen njerëzve që nuk kanë asnjë lloj detyrimi dhe zelli të posaçëm në raport me njerëzit që shkelin ligjin.”