Kapet me 333 kg kokainë në Itali, kush është shqiptari…

Operacioni i koduar “Samba 2020” i cili u realizua nga Guardia di Finanza dhe Antidroga Italiane ka çuar në pranga si përgjegjës për trafikimin e 333 kg kokainë, një shqiptar me inicialet B.A, një shtetas kroat, një italian dhe një brazilian.

Sasia prej 333 kg kokainë trafikohej nga Brazili në Itali, dhe kishte vlerë tregu mbi 100 milionë euro.

Kokaina është kapur në portin e La Spezia në një kontenier që vinte nga Brazili e që transportonte pllaka graniti. Kokaina ishte konfeksionuar në 300 pako.

Autoritetet italiane kishin mbajtur nën mbikqyrje kontenierin me kokainë derisa ai u transportua në një magazinë në afërsi të Massa Carrara ku u arrestuan në flagarancë 4 persona: shqiptari B.A, kroati J.M, italianinC.G. dhe shtetasi brazilian me inicialet P. B.L.

Operacioni “Samba 2020” u realizua në bashkëpunim me autoritetet e Agjensisë së doganës së La Spezia e të Genovas.