Marrëveshja për Reformën Zgjedhore, SHBA: Hap i rëndësishëm për të trajtuar rekomandimet e ODIHR-it

Duke përshëndetur konkluzionet e arritura në takimin i cili u zhvillua sot me përfaqësuesit e mazhorancës dhe opozitës së bashkuar, Ambasada e SHBA në Tiranë e vlerëson si një hap të rëndësishëm për të trajtuar plotësisht rekomandimet e ODIHR-it:

“Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it.”

Reforma, vlerëson Ambasada amerikane në Tiranë se do të mbështesë procese zgjedhore të efektshme dhe të besueshme dhe do të forcojë demokracinë shqiptare ndërsa përfundon:

“Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni.”

Reforma Zgjedhore duhet të përmbyllet deri më 15 mars 2020 ndërkohë do të formohet Këshilli politik me përfaqësues të opozitës, drejtuesve të Komisionit të Reformës dhe përfaqësues të grupeve parlamentare në Parlament janë këto dy konkluzionet e arritura në takimin për Reformën Zgjedhore i cili u zhvillua sot me përfaqësuesit e mazhorancës dhe opozitës së bashkuar.

Reagimi i plotë:

Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it.

Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare.

Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni.