Agim Kajmaku person në kërkim, kompania e tij fiton tender nga ministria e Lleshajt

Pasi u konfirmua me të kaluar kriminale, tashmë Ish-Kryetari i Bashkisë Vorë, Agim Kajmaku, vazhdoi me shkeljet ligjore dhe u shpall person në kërkim. Por kjo nuk e pengoi kompaninë të cilën e kaloi në emër të bashkëshortes pas zgjedhjeve të 30 Qershorit, që të fitoi tender pikërisht nga ministria e Brendshme me në krye Sandër Lleshaj, që po e kërkon si person që ka shkelur ligjin.

Pra, Agjencia pranë ministrisë së Brendshme i ka dhënë një tender për mirëmbajtjen e lulishteve në QSUT me vlerë 50 milione lekë, kompanisë Kajmaku SH.P.K. që sot administrohet nga bashkëshortja e Agimit, Merita Kajmaku.

Tenderi në fjalë është dhënë më 30 dhjetor të vitit 2019 ndërsa ish-kryebashkiaku ishte shpallur në kërkim më 11 nëntor.

Ndryshe, Agim Kajmaku u shkarkua nga Kryetari i Bashkisë Vorë për shkelje të ligjit të dekriminalizimit, Pas denoncimit të Partisë Demokratike dhe letërporosive nga autoritet greke, u konfirmua se Kajmaku kishte fshehur një rekord kriminal në Greqi.