80 të vdekur dhe 2.744 të infektuar nga koronavirusi. Të huajt presin evakuimin
Nga koronavirusi kanë mbetur të vdekur 80 persona ndërsa 2.744 janë infektuar, tregojnë të dhënat e fundit të autoriteteve. Jashtë kufijve të Kinës janë mbi 50 raste të infektimit në 13 shtete duke përfshirë këtu të paktën 5 persona në SHBA, raporton CNN.
Në Australi janë evidentuar 5 persona të infektuar me koronavirus. Rasti më i ri është ai me 21 vjeçaren e cila javën e kaluar erdhi në Sydney me fluturimin e fundit nga Wuhan.
U përhap për disa muaj
Virusi vdekjeprurës u zbulua për herë të parë para dy muajve në qytetin Wuhan në krahinën Hubei, dhe prej asaj ditë në Kinë janë infektuar të paktën 2.700 njerëz ndërsa koronavirusi u ka marrë jetën e 80 personave.
Virusi është zgjeruar në qytetet tjera kineze, ndër të cilët Pekini dhe Shangai, si dhe shtetet tjera si SHBA, Tailanda, Koera e Jugut, Japonia, Australia, Franca dhe Kanada. Është konfirmuar se aftësia e përhapjes së koronavirusit është gjithnjë e më e madhe dhe pritet që numri i të infektuarëve të rritet.
Komisioneri kombëtar kinez për shëndetësi, Ma Xiaowei, tha se të dhënat për këtë virus janë të kufizuara. Sipas tij inkubimi zgjatë prej 1 – 14 ditë, e virusi mund të infektoj njerëz të tjerë edhe gjatë kësaj periudhe, gjë që nuk ishte rasti me SARS-in, i cili gjithashtu është shkaktuar me koronavirus dhe i cili nisi nga Kina dhe vrau rreth 800 persona në gjithë botën, gjatë viteve 2002 dhe 2003.
56 milionë të izoluar nga bota
Drejtori i Organizatës Botërore të Shëndetësisë, WHO, Tedros Adhanom Ghebreyesus, ka udhëtuar drejtë Kinës për të biseduar me autoritetet kineze mbi mënyrën e përballjes dhe parandalimit të epidemisë.
“Jam drejtë Pekinit për të biseduar me qeverinë dhe ekspertët shëndetësor mbi mënyrën e përgjigjes ndaj koronavirusit,” thekson ai përmes rrjetit social Twitter ndërkohë WHO u shprehë se është herët që të shpallet gjendja e jashtëzakonshme.
Ndërkohë Wuhanin e vizitoi edhe kryeministri kinez, Li Keqiang, në mënyrë që të drejtoi përpjekjet e pushtetit dhe për tu takuar me pacientët dhe personelin mjekësor në linjën e parë të epidemisë, bënë të ditur qeveria përmes një komunikate.
Në Wuhan janë dërguar edhe qindra mjek kinez, raporton Agjencia e lajmeve DPA duke shtuar se spitalet janë stërmbushur me pacientë ndërsa radhët e gjata janë krijuar para spitaleve.
Tashmë Wuhan është në karantinë në mënyrë që të parandalohet përhapja e sëmundjes dhe aktualisht janë 56 milionë njerëz të izoluar nga bota.
Franca, SHBA dhe Japonia kanë filluar evakuimin e shtetasve të tyre nga zona e karantinës. Ndërkohë SHBA ka bër të ditur se janë duke organizuar largimin e personalit diplomatik dhe qytetarëve amerikanë të bllokuar nga Ëuhani dhe pritet që nesër të fluturojnë drejtë atdheut.
Evakuimi i shtetasve të huaj
Edhe shtetet tjera në komunikim me Pekinin zyrtar janë duke përgatitur evakuimin e qytetarëve të tyre. Ministri francez i shëndetësisë ka bërë të ditur se do të bëjë evakuimin e shtetasve të tyre me linjë ajrore dhe nuk do të zbatohet fare karantina për 14 ditë, që është dhe koha më e gjatë e inkubimit.
Japonia po mendon të transferoj qindra shtetas të saj dhe pritet që nesër në Wuhan të dërgohet një avion çarter i cili do të transportoj shtetasit japonez drejtë atdheut.
Përkundër lajmeve alarmante, analizat paraprake tregojnë se shkalla e vdekshmërisë nga ky virus është shumë e ulët.
Specialisti kinez i sëmundjeve infektive në Universitetin e Wuhanit, Gui Yi’en, tha se kulmi i të infektuarve mund të arrijë më 8 shkurt dhe më pas do të filloi rënia.
