Kryesia e Parlamentit, Konjufca: Më 3 shkurt, votimi i qeverisë!

Kryesia e Parlamentit të Kosovës ka vendosur që më 3 shkurt të zhvillohet seanca plenare ku kabineti qeverisës nga i mandatuari për kryeministër, Albin Kurti do ti nënshtrohet votimit

Kryetari i Parlamentit të Kosovës, Glauk Konjufca u shpreh optimist për arritjen e një marrëveshjeje me LDK, derisa la të kuptohet se nuk do të japë dorëheqja nga pozita e Kryetarit të Parlamentit.

“Mbledhja e kryesisë ka vendosur që seanca plenare për krijimin e Qeverisë së Kosovës të mbahet të hënën më 3 shkurt në ora 11:00,” tha Glauk Konjufca.

Kryetari i Parlamentit të Kosovës foli edhe për marrëveshjen eventuale të Lëvizjes Vetëvendosje me Lidhjen Demokratike, ku u shpreh optimist për një gjë të tillë.

Për mundësinë e dorëheqjes së tij nga pozita e kryetarit të Kuvendit, Konjufca deklaroi se është koha e emërimeve dhe jo e dorëheqjeve.

“Nuk mendoj që në Kosovë është koha e dorëheqjeve, por e emërimeve!”