Vdes bashkautorja e diktaturës në Shqipëri, Nexhmije Hoxha

Është ndarë nga jeta në moshën 99-vjeçare, bashkautorja e diktaturës në Shqipëri, Nexhmije Hoxha.

Përveç se bashkautore e diktaturës në Shqipëri dhe e veja e diktatorit Enver Hoxha, Nexhmije Hoxha ishte dhe drejtore e njerit prej institucioneve më kriminale të komunizmit, Institutit të Studimeve Marksiste-Leniniste pranë Komiteti Qendror të PPSH-së.

Në janar të vitit 1992 u arrestua me akuzën e abuzimit të fondeve dhe u dënua me 9 vjet burg, të cilat u bënë 11 kur ajo apeloi në gradën e dytë të gjykimit.

Nexhmije Hoxha lindi më 8 shkurt të vitit 1921, në Manastir, deri sa prindërit e saj ishin nga Dibra. Në vitin 1928, familja e saj u shpërngul për t’u vendosur në Tiranë. Me kriminelin Enver Hoxha ajo u martua në 1 janar të vitit 1945. Ka tre fëmijë, 2 djem dhe një vajzë.