Osmani i përgjigjet Thaçit: Kërkesa juaj shqyrtohet vetëm pas 9 Marsit

Kryetarja e Parlamentit, Vjosa Osmani, i është përgjigjur kërkesës së presidentit Thaçi që t’i raportojë sot Parlamentit për takimin në Shtëpinë e Bardhë dhe takimet e tjera në Washington.

Në letrën e kryetares së Parlamentit thuhet se “në përputhje me praktikat e mëhershme, të ndërtuara tashmë nga presidentët që kanë shërbyer para jush, kërkesa për t’iu adresuar Parlamentit duhet të dërgohen disa ditë më herët, në mënyrë që Parlamenti i Kosovës të ketë kohë të mjaftueshme për ta organizuar seancën”.

Po ashtu në letrën dërguar presidentit Thaçi, Osmani ka njoftuar se Parlamenti deri më datën 9 mars ka disa seanca të parapara dhe se kërkesa e tij do të shqyrtohet nga Kryesia e Parlamentit, tek pas datës 9 Mars.