Koronavirusi në botë/ Mbi 120 mijë të prekur dhe 4.300 të vdekur, në Slloveni 57 të prekur – 10 për një orë

Në botë numri i të prekurve nga koronavirusi ka kaluar 120 mijë persona ndërsa të vdekur janë 4300 persona dhe 66 mijë të shëruar. Kritike është situata në Slloveninë e vogël ku janë shënuar 57 të prekur dhe sot vetëm për 1 orë janë zbuluar 10 raste. Jan testuar 2.270 persona dhe vetëm në Lublanë kanë rezultuar 27 të prekur me koronavirus.

Italia vazhdon të jetë shteti me numrin më të madhë të njerëzve të vdekur nga COVID-19 jashtë Kinës. Gjatë 24 orëve të fundit në Itali kanë vdekur 168 persona ndërsa gjithsejë janë 631 ndërkohë numri I të prekurve me koronavirus është 10.000 ndërsa janë testuar 49.937 persona.

Në Kroaci janë 16 të prekur ndërsa janë testuar 344 persona.

Në Serbi tashmë janë 12 të prekur ndërsa në Aeroportin e Nishit 29 persona janë futur në izolim. Sot Presidenti i Serbisë, Aleksandar Vuçiç ka firmosur urdhrin për ndalimin e tubimit të më shumë se 100 personave ndërsa ka ndaluar ndeshjet e futbollit, dasmat etj.

Në Bosnje Hercegovinë tashmë ka 7 të prekur dhe 380 persona nën mbikëqyrje por kjo ka mjaftuar që mbyllen të gjitha shkollat për dy javë dhe të ndalohet çdo tubim, ndeshjet e futbollit, teatro dhe kinematë etj.

Në Mal të Zi, përkundër lajmeve në mediat serbe që qeveria malazeze do të shpallë gjendjen e jashtëzakonshme për të ndërprerë protesta serbe për Ligjin e feve, një gjë e tillë nuk do të ndodhë. Kryeministri Dushko Markoviç tha se kjo do të ndodhë vetëm nëse do të kemi raste me koronavirus.

Në Gjermani sot ka vdekur personi i tretë i prekur me koronavirus.

Në Britaninë e Madhe janë 382 raste të prekura me koronavirus ndërsa në Suedi 54 raste të reja. Mbrëmë edhe në Turqi është identifikuat rasti i parë me koronavirus.

Në Iran janë shënuar edhe 958 raste të reja të infektimit me koronavirus, 63 të vdekur dhe 228 të shëruar. Gjithsejtë në Iran janë 9.000 të prekur. Numri i të prekurve me koronavirus në Pakistan është dyfishuar brenda 24 orëve dhe sot janë 20.

Ukraina ka mbyllur shkollat për tre javë dhe ndalon tubimin e më shumë se 200 personave ndërkohë është identifikuar vetëm një rast i prekur me COVID-19.