Malishevë, vajzat e 37 vjeçares nuk janë të prekura me koronavirus

Vajzat e 37 vjeçares së infektuar në Malishevë, nuk kanë koronavirus. Instituti Rajonal i Shëndetësisë Publike tha se vajzat e 37 vjeçares kanë rezultat negativ për koronavirusin që kishte prekur mamanë e tyre e cila kishte ardhur nga Italia.

“Ato janë testuar.  Sipas Institutit Rajonal të Shëndetësisë publike rezultatet kanë dalë negative. Së paku deri më tani rezultatet po tregojnë se nuk janë të infektuar. Familja është vetë-izolu. Nuk kanë simptoma të sëmundjes. Jemi në pritje. Nuk ka raste të reja”, tha zyrtari për Informim në Komunën e Malishevës, Artan Paçarizi, komunë e cila tashmë është në karantinë.

Ndryshe, deri më tani në Kosovë me koronavirus janë prekur 5 persona dhe 3 qytete prej nga vijnë të prekurit, Vitia, Klina dhe Malisheva janë në karantinë.