“Është zgjuar…”, përgjigje Ramës, Basha: Sa keq, kryeministri mburojë e vjedhjeve dhe tenderave…

Kryetari i Partisë Demokratike, Lulzim Basha ka shprehur keqardhje për shqiptarët pas reagimit të Kryeministrit Edi Rama ndaj propozimit të opozitës duke theksuar se në vend që të japë 120 milionë eurot e ppp-ve për shëndetin dhe bukën e gojës së mijëra familjeve, bëhet mburojë e vjedhjeve dhe korrupsionit të oligarkëve dhe tenderave të luksit.

“Sa keq për çdo shqiptar kur kryeministri në vend që të japë MENJËHERË 120 milion eurot e ppp-ve për shëndetin dhe bukën e gojës së mijëra familjeve, merret gjithë ditën me sulme kundër opozitës dhe bëhet mburojë e vjedhjeve dhe korrupsionit të oligarkëve dhe tenderave të luksit,” thekson Lulzim Basha në reagimin e tij përmes rrjetit socia Twitter pas përgjigjes së munguar nga Kryeministri për 52 milionë eurot e tenderave të dhëna për miq dhe klientët e tij.

Ndryshe, pasi Kryetari i Partisë Demokratike, Lulzim Basha, akuzoi Edi Ramën se për 2 javë ka dhënë 52 milionë euro pagesa dhe tendera për miq dhe klientë kur këto mund të përdoreshin fare mirë në  paketën e ndihmës social-ekonomike që Partia Demokratike ka propozuar prej 10 ditësh, Kryeministri zgjodhi gallatën për përgjigje:

“Plani 7×7=42 është zgjuar sot me rritje të shifrave! Deri kur të mbarojë lufta shifrat do kapin nivelin e një vendi të G7-ës! Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurencë e pandershme nga 7×7=42!”