Riatdhesimi, Edi Rama humb durimin: Sqarimi i fundit, për të gjithë ata që nuk e kanë dëgjuar apo nuk duan ta kuptojnë…

Në këto ditë të vështira që u krijuan nga koronavirusi, ku shumë shqiptarë ngelën rrugëve të Evropës dhe e kanë lirinë e lëvizjes të kufizuar edhe nga Liberalizimi i Vizave, kanë shkaktuar probleme edhe për ata shqiptarë që i besuan dhe e votuan Edi Ramën. Meqë ata shqiptarë që nuk presin asgjë të mirë nga komunistët dhe vazhdojnë e marrin përgjigje arrogante nga ambasada e shtetit të tyre edhe në kohën e COVID-19, nuk shprehin ndonjë habi dhe nuk ankohen, por ka nga ata që vazhduan të rrahin gjoks mbi qeverinë rilindase që i dhanë votën edhe kur ngelën pa bukë dhe morën botën në sy, dhe sot janë ata që po përballen me një situatë të pakëndshme: edhe rilindasit e tyre po u mbyllin telefonin. Ankesat e tyre nuk janë të panjohura për botën shqiptare por Kryeministri i tyre që ka kohë që nuk kërkon ndonjë shërbim konsullor, habitet pse shqiptarët ankohen që nuk shpërfillen nga shteti i tyre dhe kur duan të kthehen në shtëpinë e tyre në Shqipëri.

Duke njohur vetëm gjuhën e KPD-së ku përplaset tavolina dhe bëhet e qartë se “nuk ka birë kurve…” kur një ose më shumë qytetarë ankohen se kanë ngelur në mes të rrugëve të botës, aq më keq që janë edhe socialist, Kryetari i PS dhe Kryeministri i Shqipërisë, Edi Rama, harbohet dhe përmes rrjetit social Facebook e bënë të qartë si “SQARIMI I FUNDIT” për të gjithë ata që nuk e kanë dëgjuar, nuk e kanë e lexuar apo nuk duan ta kuptojnë, se nuk do të riatdhesojnë në masë bashkëqytetarë jashtë kufijve:

“Të dashur motra e vëllezër, kudo që ndodheni e merrni papushim në telefon ambasadat tona, ju lutem mos shpenzoni më kohë e të ardhura për telefonata, sepse nuk ktheheni dot në Shqipëri deri në mbarimin e luftës!”

Duke kërkuar ndjesë 1000 herë, Edi Rama thotë se kjo është një luftë ku ne duhet të ruajmë njëri-tjetrin dhe misionet e riatdhesimit, tani e thotë me nerva, se e ka shpjeguar, rishpjeguar, stërshpjeguar, do të kthejnë në atdhe vetëm një numër të kufizuar personash, të mbetur rrugëve në kuptimin më të drejtëpërdrejtë të fjalës; bashkëqytetare që nuk paguanin dot më hotelet, ku ngecën keq në minutën e fundit apo një numër studentësh të mbetur në pikë të hallit; njerëz që u listuan përpara shpalljes së misioneve të fluturimit nga përfaqësitë tona dhe u verifikuan një për një, për situatën e tyrë të rënduar.

Për ata që kanë lindur të deklasuar dhe viktimë e luftës së klasave kjo është e qartë ndërsa për ata që u gënjyen se kanë qeveri vetëm pse iku Saliu, sot rebelohen kur Kryeministri i tyre u thotë, e ata kanë mbetur në rrugë, “se qysh në momentin e parë të lajmërimit të iniciativës sonë për t’i kthyer këta persona, LISTA ËSHTË E MBYLLUR:

“Me numër të saktë, por fatkeqësisht shumëkush nuk e ka dëgjuar dhe vazhdon të mos e dëgjojë, madje disa në vend që të dëgjojnë akuzojnë, shajnë e mallkojnë! Po s’ka problem për akuzat, sharjet e mallkimet, thjesht mos u mundoni më për të gjetur vend në avion, sepse nuk ka dhe nuk do të ketë deri në përfundimin e luftës! Më vjen tmerrsisht keq, po shpresoj në mirëkuptimin e secilit,” sqaron Kryeministri Edi Rama të gjithë ata që nuk e kanë dëgjuar, nuk e kanë e lexuar apo nuk duan ta kuptojnë, duke shtuar se mbrëmë “Lasgushi” ka sjellë një grup të parë nga Italia.

Reagimi:

? SQARIMI I FUNDIT për të gjithë ata që nuk e kanë dëgjuar, nuk e kanë e lexuar apo nuk duan ta kuptojnë, se NUK DO TË RIATDHESOJMË NË MASË BASHKËQYTETARË JASHTË KUFIJVE:

Të dashur motra e vëllezër, kudo që ndodheni e merrni papushim në telefon ambasadat tona, ju lutem mos shpenzoni më kohë e të ardhura për telefonata, sepse nuk ktheheni dot në Shqipëri deri në mbarimin e luftës! Ndjesë 1000 herë, po kjo është një luftë ku ne duhet të ruajmë njëri-tjetrin dhe MISIONET TONA TË RIATDHESIMIT (kemi shpjeguar, rishpjeguar, stërshpjeguar) DO TË KTHEJNË NË ATDHE VETËM NJË NUMËR TË KUFIZUAR PERSONASH, të mbetur rrugëve në kuptimin më të drejtëpërdrejtë të fjalës; bashkëqytetare që nuk paguanin dot më hotelet, ku ngecën keq në minutën e fundit apo një numër studentësh të mbetur në pikë të hallit; njerëz që u listuan përpara shpalljes së misioneve të fluturimit nga përfaqësitë tona dhe u verifikuan një për një, për situatën e tyrë të rënduar. Prandaj e kam thënë, qysh në momentin e parë të lajmërimit të iniciativës sonë për t’i kthyer këta persona, se LISTA ËSHTË E MBYLLUR, me numër të saktë, por fatkeqësisht shumëkush nuk e ka dëgjuar dhe vazhdon të mos e dëgjojë, madje disa në vend që të dëgjojnë akuzojnë, shajnë e mallkojnë! Po s’ka problem për akuzat, sharjet e mallkimet, thjesht mos u mundoni më për të gjetur vend në avion, sepse nuk ka dhe nuk do të ketë deri në përfundimin e luftës! Më vjen tmerrsisht keq, po shpresoj në mirëkuptimin e secilit, ashtu sikundër uroj dhe besoj që të rikthyerit nuk do të luajnë me jetën e familjarëve e të të njohurve të tyre, po do të vetëkarantinohen strikt e s’do luajnë fare nga vendi?

#mbrëmë Lasgushi ka sjellë një grup të parë nga Italia dhe Policia e Shtetit do të publikojë emrat e tyre dhe të të gjithë atyre që do kthehen, sipas një praktike të dobishme të disa vendeve, në mënyrë që po e shkelën ligjin e vetëkarantinimit askush që i njeh të mos u afrohet! Ndjesë 1000 herë edhe për këtë, po ecuria deri këtu pozitive e luftës së madhe që po bëjmë, nuk mund të cënohet nga papërgjegjshmëria e askujt!