Britani e Madhe, 19.522 të infektuar dhe 1.228 të vdekur nga COVID-19

COVID-19 përkeqëson situatën edhe në Britaninë e Madhe. Numri i të infektuarve është rritur në mënyrë të frikshme duke arritur shifrën 19.522 persona ashtu si dhe ai i jetëve të humbura, 1.228.

Ministria e Shëndetësisë bënë të ditur se janë regjistuar 2.500 të infektuar më shumë se dje ndërkohë që personat që kanë ndërruar jetë janë 209 më shumë se një ditë më parë.

Ndërsa sot përmes një letre për 30 milionë familjet në Mbretërinë e Bashkuar, Kryeministri Boris Johnson paralajmëroi se gjërat do të përkeqësohen para se të bëhen më mirë. Johnson, i cili është në vetizolim pasi rezultoi i prekur nga Covid-19, paralajmëroi kufizime edhe më të rrepta nëse do të jetë e nevojshme.

Epidemiologu Neil Ferguson nga Imperial College, që është dhe këshilltar i qeverisë tha për Sunday Times se karantina mund të qëndroj deri në fund të majit ose fillim të qershorit.

Ndryshe, të hënën qeveria mori vendim për vendosjen e gjithë vendit në karantinë, e cila do të jetë në fuqi të paktën 3 javë. Qëllimi i kësaj mase është mbrojtja e papullsisës dhe ndalimi i përhapjes së epidemisë së koronavirusit.