Kemi hyrë në zonën e zjarrit, Rama: Nga nesër në orën 13:00, të gjithë…
Pas konfirmimit nga ana e Ministrisë së Shëndetësisë për 27 raste të reja të prekura me COVID-19, ka reaguar Kryeministri Edi Rama duke theksuar se kemi hyrë në zonën e zjarrit
“Sot ju lutem me gjithë forcën ta vendosni si kryefjalë të çdo dite në vijim moton jetike të luftës sonë: Ekonomia bie dhe ngrihet prapë, të vdekurit nuk ringjallen më,” thekson Edi Rama në reagimin e tij përmes rrjetit social Facebook duke shtuar se sot asgjë nuk vlen më shumë se jeta dhe mbrojtja e jetës është qëllimi, ne jemi mjeti për realizimin e këtij qëllimi njerëzor, qytetar, kombëtar!
Ndërkohë edhe për këtë fundjavë Kryeministri Edi Rama njofton të gjithë qytetarët se do të bllokohet totalisht qarkullimi si masë kundër përhapjes së koronavirusit.
“Nga nesër, e shtunë ora 13:00, deri të hënën 05:00, njësoj si fundjavën e shkuar, të gjithë në shtëpi,” thekson në njoftimin e tij përmes rrjetit social Facebook, Kryeministri Edi Rama.
Ja dhe statusi i plotë i Kryeministrit Edi Rama pas konfirmimit nga ana e Ministrisë së Shëndetësisë për 27 raste të reja të prekura me COVID-19:
? SOT KEMI 27 POZITIVË! KEMI HYRË NË ZONËN E ZJARRIT, KU ARMIKU PO SYNON TË NA MARRË MË SHUMË JETË, PASI REZISTENCA JONË DERI TANI E KA NDALUAR TË BËJË KËRDINË DUKE NA SHKATËRRUAR BARRIKADËN BLUZAVE TË BARDHA!
? SOT JU BËJ NJË THIRRJE TË FORTË TË MOTIVOJMË TË GJITHA FORCAT SHPIRTËRORE DHE MENDORE BRENDA NESH, PËR TË USHQYER REZISTENCËN, DUKE MOS HARXHUAR ENERGJI PËR ASGJË TJETËR!
? SOT JU LUTEM ME TË GJITHË FORCËN TA VENDOSNI SI KRYEFJALË TË ÇDO DITE NË VIJIM MOTON JETIKE TË LUFTËS SONË: EKONOMIA BIE DHE NGRIHET PRAPË, TË VDEKURIT NUK RINGJALLEN MË!
? SOT ASGJË NUK VLEN MË SHUMË SE JETA DHE MBROJTJA E JETËS ËSHTË QËLLIMI, NE JEMI MJETI PËR REALIZIMIN E KËTIJ QËLLIMI NJERËZOR, QYTETAR, KOMBËTAR!
? SOT JAM I DETYRUAR T’JU JAP KËTË VIDEO RRËQETHËSE QË TA SHIKONI SI DO KISHIM PËRFUNDUAR, PO TË MOS ISHIM FUTUR MË SHPEJT SE TË TJERËT NË MBROJTJE, POR EDHE SI, MOS E DHËNTË ZOTI, MUND TË PËRFUNDOJMË NËSE PËR MUSTAQET E ÇELOS HAPIM VRIMA NË BARRIKADAT TONA!
