Edi Rama vazhdon me denigrimin e opozitës, publikon mesazhin e …
Për krimet komuniste të Enver Hoxhës vazhdon edhe sot propaganda se “nuk e dinte Enveri, se po ta dinte…” por kjo nuk mund të thuhet për liderin aktual komunist Edi Rama. Në këto ditë të vështira pandemie që po kalon kombi shqiptar, lideri i opozitës gjatë gjithë kohës përveç se i ofron bashkëpunim, ofron dhe mënyra të zgjidhjes së krizës ekonomike, por ky “Enveri ynë” e dëgjon dhe nuk do t’ia dijë për opozitën. Dhe jo vetëm kaq!
Sot Kryeministri Edi Rama publikon një mesazh të liderit të opozitës në Portugali duke e shoqëruar me mesazhin:
”Ja si flet opozita kur i shërben sinqerisht vendit dhe popullit, në këtë luftë që ka përfshirë mbarë botën në mbrojtje të jetës së njerëzve.”
Po çfarë thotë Kryeministri i Portugalisë për opozitën që kjo është kaq bashkëpunuese, këtë nuk na e tha pasardhësi i Enver Hoxhës!
Edi Rama nuk na e tha se Kryeministri i Portugalisë, Antonio Kosta flet edhe me Presidentin Marselo Rebelo de Susa, dhe kryeministri nuk shkruan zhgarravina në Facebook për të kufizuar lirinë e lëvizjes së qytetarëve, por i propozon Presidentit dhe është ky i fundit që vendos nëse do të miratoj ose jo gjendjen e jashtëzakonshme.
A kishte Portugalia kryeministër si Edi Rama. Natyrisht që kishte madje António de Oliveira Salazar njihet gjakpirës po aq sa krimineli Franco i Spanjës dhe po aq i çmendur sa Enver Hoxha. Por Portugalia për dallim nga Shqipëria nuk lejon kthimin e “enverit portugez” në asnjë lloj mutacioni, as me rilindje portugeze!
Ja dhe mesazhi i liderit të opozitës portugeze:
“Për mua në këtë betejë, nuk është qeveria e partisë rivale, është qeveria e Portugalisë të cilën të gjithë duhet ta ndihmojmë në këtë momentet, duhet ta mposhtim këtë fatkeqësi. Ne sot nuk jemi opozitarë por bashkëpunëtorët tuaj.
Në këtë moment duhet të jemi të gjithë ushtarë të gatshëm për të ndihmuar në këtë betejë. Të ndihmojmë që Portugalia të fitojë me sa më pak humbje. Zoti Kryeministër keni bashkëpunimin e opozitës, do të ndihmojmë me çfarë mundemi. Ju uroj kurajo, nerva dhe shumë fat. Sepse fati juaj është fati ynë”, thekson lideri i opozitës në Portugali.
