Urimi, Basha: Drita e shpresës ndeztë në zemrat e çdo familje shqiptare!
Për shumë vjet Pashkët! Kryetari i Partisë Demokratike, Lulzim Basha, duke uruar të motrat dhe vëllezërit shqiptar që kremtojnë ditën e shenjtë të Pashkëve dhe Ringjalljes së Jezu Krishtit, sot ka dhe një urim dhe lutje të veçantë:
“Për ata që po përballen me sëmundjen, për personelin shëndetësor, për punonjësit e policisë, të forcave të armatosura, për klerikët dhe shërbëtorët e Zotit, për prindërit dhe vogëlushët në familjet në nevojë, për të moshuarit, për të sëmurët e më të pamundurit,” tha Lulzim Basha në urimin e tij duke përfunduar:
Në këto kohë të vështira, drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin.
Zoti e bekoftë Shqipërinë dhe shqiptarët kudo ku janë!
Urimi:
Të dashur motra dhe vëllezër që kremtoni këtë ditë të shenjtë të Pashkës dhe Ringjalljes së Jezu Krishtit, unë dhe familja ime ju urojmë nga zemra, për shumë vjet Pashkët!
Një urim dhe lutje të veçantë kam sot për ata që po përballen me sëmundjen, për personelin shëndetësor, për punonjësit e policisë, të forcave të armatosura, për klerikët dhe shërbëtorët e Zotit, për prindërit dhe vogëlushët në familjet në nevojë, për të moshuarit, për të sëmurët e më të pamundurit.
Në këto kohë të vështira, drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin.
Zoti ju bekoftë ju dhe familjet tuaja, Zoti e bekoftë Shqipërinë dhe shqiptarët kudo ku janë!
