Rikthehen lëkundjet e tokës, epiqendra e tërmetit ishte në…

Qytetarët e Durrësit sërish iu kthyen frikës, stresit dhe bashjetesës me tërmetet. Pas disa lëkundjeve të dobëta gjatë natës me magnitudë 3.0 të shkallës Rihter, sot në orën 18:43 ra një tërmet me magnitudë 4.5 të shkallës Rihter.

Qendra Sizmologjike Mesdhetare, EMSC, raporton për një tërmet me magnitudë 4.5 të shkallës Rihter me thellësi 5 km dhe epiqendër në Detin Adriatik, 23 km nga Durrësi dhe 44 km nga Tirana.

Ndryshe, Shqipëria është goditur më 26 Nëntor të vitit 2019 nga një tërmet i fuqishëm me magnitudë 6.4 të shkallës Rihter me epiqendër në Durrës, që sipas Institutit të Gjeoshkencave, IGJEUM, është vlerësuar me shkallë shkatërruese 9 Ballë.

Nga ky tërmet 51 persona humbën jetën, 2000 u plagosën dhe 12 mijë ngelën pa kulm mbi kokë.