Ndihma për Shqipërinë, Basha: Mirënjohje për kryeministrin Orban!

Kryetari i Partisë Demokratike, Lulzim Basha pas takimit që zhvilloi sot me Ministrin e Jashtëm të Hungarisë, Péter Szijjártó, shprehu mirënjohje për Hungarinë dhe kryeministrin Orban për ndihmën e çmuar në këto ditë të vështira, kur po shtohet numri i të infektuarve në radhët e stafeve mjekësore.

“E falënderova personalisht ministrin Szijjártó dhe i kërkova të shohë mundësinë për të ndihmuar edhe më tej Shqipërinë, e cila sot po përballet edhe me një krizë të madhe ekonomike, ku papunësia dhe pamundësia e qytetarëve për të siguruar ushqimin e përditshëm rritet çdo ditë,” tha Basha.

Ndryshe, Ministrin e Jashtëm të Hungarisë, Péter Szijjártó, sot solli një ndihme prej 100 mijë maskash dhe 5 mijë kostume mbrojtëse mjekësore, që është ndër ndihmat më të mëdhatë për Shqipërinë në kohën e COVID-19.

Njoftim

Kryetari i Partisë Demokratike, Lulzim Basha u takua sot me Ministrin e Jashtëm të Hungarisë Péter Szijjártó me rastin e sjelljes së një ndihme të madhe prej 100 mijë maskash dhe 5 mijë kostume mbrojtëse mjekësore. Në emër të Partisë dhe të opozitës, zoti Basha shprehu mirënjohje për Hungarinë dhe kryeministrin Orban për ndihmën e çmuar në këto ditë të vështira, kur po shtohet numri i të infektuarve në radhët e stafeve mjekësore.

“E falënderova personalisht ministrin Szijjártó dhe i kërkova të shohë mundësinë për të ndihmuar edhe më tej Shqipërinë, e cila sot po përballet edhe me një krizë të madhe ekonomike, ku papunësia dhe pamundësia e qytetarëve për të siguruar ushqimin e përditshëm rritet çdo ditë”- u shpreh zoti Basha.

Hungaria ka vendosur një fond prej 30 miliardë euro ose 22% të prodhimit vendas për të ndihmuar qytetarët dhe ekonominë e vendit. Ndihma e sjellë sot nga Ministri i Jashtëm i Hungarisë është ndër më të mëdhatë për Shqipërinë. Aktualisht, vendi ynë nuk ka zbatuar akoma vendimin për paketën e parë të ndihmës, ndërsa paketa e dytë, nuk ka hyrë ende në fuqi.