Zyrtare, Seuli: Kim Jong-un është shëndosh e mirë!
Lideri koreanoverior, Kim Jong-un është “shëndosh e mirë”, tha Këshilltari për Politikë të Jashtme i Presidentit të Koresë së Jugut, Çing In Mun.
Deklarata e Këshilltarit kryesor të presidentit koreanojugor erdhi pas disa raportimeve mbi shëndetin e liderit të Koresë së Veriut, i cili në ditët e kaluara nuk ishte prezent në disa tubime të rëndësishme duke përfshirë këtu edhe 108 vjetorin e lindjes së Kim Il Sung.
“Qëndrimi i qeverisë sonë është i qartë. Kim Jong-un është shëndosh e mirë,” tha Çing In Mun, Këshilltari për Politikë të Jashtme i Presidentit të Koresë së Jugut, Mun Jae In.
Sipas tij, Seuli zyrtar nuk ka vërejtur kurrfarë lëvizje të dyshimta gjatë qëndrimit të liderit koreaoverior në Wonsan, qëndrim ky që u konfirmua edhe me pamje satelitore.
Deklarata e Këshilltarit për Politikë të Jashtme të Presidentit të Koresë së Jugut, Çing In Mun, vjen pas disa raportimeve se operacioni kardiovaskular i liderit koreanoverior Kim Jong-un është komplikuar dhe ai është në gjendje kritike. Madje mëngjesin e sotëm kishte dhe media që raportuan se ai ka vdekur mbrëmjen e së shtunës, dhe drejtimin e shtetit e ka marrë e motra e tij, 31-vjeçarja Kim Yo-jong.
