Çudi në kohë pandemie, pas binjakëve Corona dhe Covid, lindi Izolimi…

Emri për fëmijët e porsalindur është një vendim i madh për prindërit, por atyre që në kohë pandemie të koronavirusit u ndodhi kjo, ata u kujdesën që fëmijët e tyre të mos harrojnë kurrë se kanë lindur në njërën prej periudhave më të tmerrshme të njerëzimit.

Kështu një çift nga India i vuri emrin fëmijës Sanitizer ndonëse për shumë njerëz ky dezinfektues u bë edhe makth përveç se shpëtim. Babai i fëmijës së porsalindur, Omveer Singh mendon se ky është një lloj kontributi i tij dhe bashkëshortes, shkruan e përditshmja Huffpost.

“Kur njerëzit të flasin për coronën, do të kujtohen se sanitizier i shpëtoi,” thotë babai krenar.

Mirëpo nuk janë këta prindërit e vetëm të cilët në këtë mënyrë kanë nderuar ardhjen e fëmijës në këtë botë, në këto çaste dramatike të historisë së njerëzimit.

“Covid dhe Corona”

Gjihashtu, në Indi, më 27 mars kanë lindur binjakët që morën emrat Covid dhe Corona. Sipas mediave, këta emra filluan ti përdor personeli në maternitet, e prindërit me gjithë zemër e pranuan këtë propozim duke ideuar edhe një trend të ri

“Gjatë lindjes kishte disa komplikime dhe kjo është arsyeja që unë dhe bashkëshorti kemi vendosur që këtë ditë ta bëjmë të paharrueshme,” thekson nëna Preeti Verma.

“Izolimi”

Izolimi. Tingëllon bukur. Mund ta imagjinoni në të ardhmen një biznesmen të suksesshëm, merr pjesë në takime të rëndësishme, shtrëngon duart duke arritur kontrata qindra milionëshe me një emër kaq kumbues.

Çifti nga India shfrytëzoi paralajmërimet e pandemisë globale për emrin e të birit.

“E quajta bazuar në izolimin, Lockdown, në të cilën të gjithë po vërtitemi në pandeminë COVID-19. Sipas mendimit tim, Kryeministri Narendra Modi, mori hapin e duhur  kur urdhëroi izolimin duke e shpëtuar kështu gjithë kombin nga virusi vdekjeprurës. Djali im do t’iu rikujtoi të gjithëve të ndërmarrin masa kundër këtij virusi, dhe ta shpëtojnë veten dhe kombin,” thotë babai i Izolimit.

“Covid Bryant”

Një nënë nga Filipinet të porsalindurin e saj e quajti Covid Bryant, për të nderuar pandeminë dhe yllin e NBA, Kobe Bryant, i cili humbi jetën në muajin janar në një fatkeqësi ajrore kur helikopteri i tij u rrëzua.

Inspirim i nxitur nga pandemia

Edhe pse nuk janë dhe aq origjinale, në forumet e prindërve paraqiten edhe emra të tjerë që do të kujtojnë këtë kohë të vështirë që po kalojmë. Në “”Rrjeti për nëna” figurojnë edhe këto lloj propozime: Tina – shkurtesa për karantina, Demi – shkurtesa për pandemi, Rhona – emër tradicional i vajzës kelte, që do të simbolizon fuqinë.

Njëri prej propozimeve është edhe emri i vajzës që vjen nga Welsi, Enfys, që simbolizon ylberin. Natyrisht, ylberi ka ngelur simbol i shpresës në vizatimet e shumta të fëmijëve që i ekspozonin nëpër dritare, gjatë kohës sa qëndruan në shtëpi si masë parandaluese për përhapjen e koronavirusit. Iris, është emri tjetër me po këtë kuptim.

Gjithashtu, në webin britanik “Babycentre” një ndjekës ofron emra që simblizojnë forcën dhe optimizmin, sepse për momentin janë më të domosdoshmit. Në listë janë Nadine, Audrey, Aaron dhe Ethan, ndërsa njëra prej nënave e arsyetoi faktin që vajzës së saj do ti vënë emrin Stella. 

“Me pëlqeu ideja se ajo është dritë në errësirën e kësaj kohe. Ajo lindi pikërisht në momentin kur filloi izolimi, dhe isha e detyruar të lindi vetë. Ishte një ardhje shumë dramatikë në këtë botë,” shkruan nëna e sapolindurës që mori emrin Stella. Ndërkohë duke mbyllur këtë shkrim shumë interesant, “Huffpost” konsideron si propozim të dashur emrin Patience (Durim), i cili na duhet aq shumë të gjithëve në këtë moment.