Fëmijët mund të përqafojnë sërish gjyshërit në Zvicër

Autoritetet zvicerane tha se tani është e sigurt që fëmijët nën moshën 10-vjeçare mund të përqafojnë gjyshërit e tyre, në kohën e pandemisë me koronavirus.

Shefi për Sëmundje Infektive në Ministrinë e Shëndetësisë, Daniel Koch, tha se shkencëtarët kanë vërtetuar që fëmijët e vegjël nuk bartin virusin.

Megjithatë, tha ai, takimet mes tyre duhet të jenë të shkurtra.

“Fëmijët e vegjël nuk infektohen dhe nuk e bartin virusin. Ata nuk kanë receptorë për të marrë sëmundjen,” tha Dr.Koch duke shtuar se edhe se shumë gjyshër “jetojnë për të parë nipat dhe mbesat” dhe kjo gjë është shumë e rëndësishme për shëndetin e tyre mendor.

Zvicra është një prej dhjetëra vendeve në Evropë që kanë filluar të lehtësojnë masat e tyre të izolimit.

Këtë javë, raporton RFE, janë lejuar që të hapen kopshtet dhe parukeritë, derisa shkollat dhe dyqanet tjera që shesin produkte jo të domosdoshme do të mund të rihapen në dy javë.