Dita e Evropës/ Videokonferencë me Sorecën, Basha: PD e vendosur për integrimin e Shqipërisë!
Duke shprehur mirënjohje për mbështetjen e çmuar të Bashkimit Europian për Shqipërinë kundër COVID19 dhe për krizën ekonomike, Kryetari i Partisë Demokratike, Lulzim Basha, gjatë një videokonference me Ambasadorin e BE-së në Tiranë, Luigi Soreca, në Ditën e Evropës, e bëri të qartë se vëmendja dhe mbështetja e BE është jetike për popullin shqiptar, ndërsa garantoi:
“Partia Demokratike është e përkushtuar për ta bërë anëtarësimin e Shqipëris në BE realitet për shqiptarët,” tha Lulzim Basha duke mirëpritur vendosmërinë e BE për të mbikëqyrur zbatimin e 15 kushteve për hapjen e negociatave ndërsa përfundoi:
“Nuk mund të ecet përpara në këtë proces jetik për Shqipërinë pa funksionimin e shtetit ligjor, pa vendosjen e standarteve demokratike dhe pa luftë kundër krimit të organizuar & korrupsionit.”
Ja postimi i plotë:
Me amb @LSorecaEU në #EuropeDay: Mirënjohje për mbështetjen e çmuar të BE ??për ?? kundër #COVID19 dhe për krizën ekonomike. Vëmendja dhe mbështetja e BE është jetike për popullin shqiptar. @pdshqiperi e përkushtuar për ta bërë anëtarësimin e ?? në ?? realitet për shqiptarët.
Mirëpresim vendosmërinë e BE ?? për të mbikëqyrur zbatimin e 15 kushteve për hapjen e negociatave: nuk mund të ecet përpara në këtë proces jetik për ?? pa funksionimin e shtetit ligjor, pa vendosjen e standarteve demokratike & pa luftë kundër krimit të organizuar & korrupsionit.
