Video/ Dita e Evropës, sot regjimi i Edi Ramës lejon vetëm dhunën policore

Sot në Ditën e Evropës, regjimi i Edi Ramës dëshmoi se ajo që din të bëjë më së miri është dhuna. Ndonëse vlerat evropiane sot festojnë 75 vjetorin me krijimin e BE, Tirana që sot është zyrtarisht e kuqe në emër të masave për parandalimin e COVID-19, tregoi se mohimi i të drejtave të njeriut është mënyrë e qeverisjes dhe nuk ka të bëjë për persona të caktuar që kërkojnë të drejtat e tyre elementare, sot kur pandemia ka prekur Shqipërinë.

Në këtë vend vërtetë mungon Gjykata Kushtetuese dhe nuk ka se ku të kërkohen të drejtat elementare që janë shkelur nga klika e Edi Ramës, por sot në Sheshin Skenderbej nuk mungoi dhuna shtetërore vetëm pse protestohej kundër mohimit të drejtave të njeriut.

Policia e Ish-Gjeneral Lleshajt arsyetoi përdorimin e dhunës me shpërndarjen e një proteste të paligjshme por ndërhyrja e dhunshme vetëm sa shtoi radhët e protestuesve.

Madje në radhët e protestuesve kishte nga ata që kanë hequr dorë nga regjimi i komunistit Edi Rama sepse i tradhtoi idealet e tyre, por jo edhe nga parullat kriminale komuniste.

Forca të shumta policie i dhanë fund këtij terrori policor me shpërndarjen e protestës dhe shoqërimin në komisariat të dhjetëra përfaqësuesve të Shoqërisë Civile, pjesëmarrës në këtë protestë.