Nga 1 Qershori rinisin linjat e autobusëve, Prishtinë-Tiranë-Durrës dhe Tiranë-Prizren-Prishtinë

Nga 1 Qershori Shqipëria ka marrë vendim për hapjen e kufijve tokësor, derisa Kosova ende s’ka ndonjë datë caktuar për hapjen e korridoreve me shtetet fqinje, edhe pse sipas Ministrisë Shëndetësisë është thënë se kjo do të mund të ndodhë me fillimin e Fazës së Tretë, me ç’rast pritet të hapen kufijtë tokësor e ajror.

Gjithsesi, faza e tretë në Kosovë do të nis të zbatohet me 1 Qershor.

Në anën tjetër, disa kompani autobusëve në Kosovë, tashmë kanë nisur edhe organizimin dhe parapërgatitjet për linjat e tyre drejt Shqipërisë.

Madje, në faqe zyrtare të tyre, një nga to ka dhënë informacione për udhëtarët e saj, se nga e hëna nisin me orar të rregullt të udhëtimeve drejt shtetit amë.

Sipas të njëjtës kompani linjat e rregullta do të jenë: Prishtinë-Tiranë- Durrës dhe anasjelltas, dhe Tiranë-Prizren-Prishtinë.

Në anën tjetër kompanitë turistike, përveç ofertave për pushime verore që kanë bërë për hotele në Shqipëri e Mal të Zi, ende nuk kanë dhënë të detaje rreth të njëjtave se kur mund të nisin.

Gjithsesi edhe Mali e Zi e Maqedonia Veriore nga e hëna do të hapin kufijtë.