Shembje dheu, humbin jetën dy minatorë

Dy minatorë kanë humbur jetën si pasojë e shembjes së dheut në minierën e Artanës. Ushtruesi i detyrës së kryeshefit të ndërmarrjes Trepça, Hysen Vrajolli, ka konfirmuar se dy minatorë kanë vdekur dhe një është lënduar lehtë.

Kryetari i Sindikatës së Minatorëve të Artanës, Blerim Imeri, tha se aksidenti ndodhi pas rënies së pjesës tavanore të minierës. Asnjë punëtor tjetër nuk gjendet brenda në minierë, tha ai duke shtuar se dy të tjerë që ishin brenda kanë pësuar lëndime të lehta.

Aktualisht, po i jepet ndihma e parë të lënduarve.