Pas Marrëveshjes, Ambasadorja e SHBA: Të gjitha palët kanë hequr dorë…

Pas mbledhjes së Këshillit Politik ku më në fund u arritë Marrëveshja për Reformën Zgjedhore, Ambasadorja e SHBA në Tiranë, Yuri Kim, tha se të gjitha palët kanë hequr dorë dhe kanë dhënë diçka në mënyrë që të përfitojë Shqipëria ndërsa shtoi se Shtetet e Bashkuara janë krenare për këtë Marrëveshje.

“Jemi shumë të kënaqur që kemi parë që Këshilli Politik ka marrë këtë vendim dhe është bërë kjo marrëveshje e rëndësishme në sajë të orëve të gjata pune nga të gjithë që kanë qenë aty. Të gjitha palët, të gjithë personat kanë dhënë kontribute e tyre, por edhe kanë hequr dorë dhe kanë dhënë diçka dhe e bënë në mënyrë që të jetë Shqipëria ajo që përfiton nga kjo gjë,” tha Ambasadorja amerikane me përmbylljen e Marrëveshjes për Reformën Zgjedhore.

Disa do ta kritikojnë këtë marrëveshje si jo të mjaftueshme, ishte e vetëdijshme Ambasadorja e SHBA në Tiranë, Yuri Kim, por po ta shikojmë në një kuadër të gjerë, kjo është një gjë për të cilën shpresoj se të gjithë do të japin mbështetjen e tyre dhe do ta mbështesin më pas, tha ajo duke përfunduar:

“Sa i përket SHBA, ne jemi krenarë për këtë marrëveshje dhe do vazhdojmë t’ju mbështesim në rrugëtimin drejtë BE.”