Ftesë qytetarëve, Kurti: Ejani nesër në tubim paqësor!

Një ditë para tubimit paqësor në Sheshin “Skënderbeu”, Kryetari i Lëvizjes Vetëvendosje, Albin Kurti, duke ftuar qytetarët përmes një videomesazhi tha se kanë dy arsye: 21 vjetorin e çlirimit të Kosovës dhe 15 vjetorin e themelimit të Lëvizjes Vetëvendosje!

“Në këtë përvjetor të dyfishtë ne ndodhem në situatën që kërkon durim dhe zgjidhje. Durim për ta tejkaluar pandeminë COVID-19 që nuk ka kaluar dhe zgjidhje duke hyrë në zgjedhjet që po vijnë,” tha Albin Kurti duke shtuar se në këto 15 vite dëshmuan se bëjnë opozitën fuqishëm si askush më parë, e sivjet dëshmuan që bëjnë qeverisjen mirë si askush tjetër.

“Ne po rritemi shumë sepse në zgjedhje të tjera do të fitojmë mbi shumën e të tjerëve,” tha i bindur kryetari i Lëvzijes Vetëvendosje, Albin Kurti duke ftuar qytetarët të premten në orën 17:00:

Ejani nesër në këtë tubim paqësor, me muzikë e fjalime!

Mesazhi:

Në këtë përvjetor të dyfishtë ne ndodhem në situatën që kërkon durim dhe zgjidhje. Durim për ta tejkaluar pandeminë COVID-19 që nuk ka kaluar dhe zgjidhje duke hyrë në zgjedhjet që po vijnë.

Në këto 15 vite kemi dëshmuar se e bëjmë opozitën fuqishëm si askush më parë. E sivjet kemi dëshmuar që e bëjmë qeverisjen mirë si askush tjetër.

Ne po rritemi shumë sepse në zgjedhje të tjera do të fitojmë mbi shumën e të tjerëve.

Nuk ka Lëvizje pa popull, kurse në Kosovë populli është bërë lëvizje.

Ejani nesër në këtë tubim paqësor, me muzikë e fjalime.

Ejani masivisht në 15 vjetorin tonë, teksa kujtojmë edhe 21 –vjetorin e çlirimit të vendit dhe çmimin e lartë që paguan breza të tërë që ne të jetojmë shumë më mirë se sot.