Strategjia e re fiskale, Basha: FMN mbështet atë që PD do bëjë realitet!
Pas dështimit të modelit fiskal që qeveria e Edi Ramës ka ndjekur në 7 vitet e fundit dhe publikimit të Projektit të ri fiskal të hartuar nga Fondi Monetar Ndërkombëtar, FMN, mbi të cilin qeveria po harton një strategji afatmesme për grumbullimin e të ardhurave buxhetore, ka reaguar Kryetari i Partisë Demokratike, Lulzim Basha, duke theksuar se taksimi “Rama” shkatërroi çdo hallkë të ekonomisë ndërsa FMN mbështet atë që PD do bëjë realitet: Taksimin e thjeshtë dhe transparent!
“Taksimi “Rama” zbrazi xhepat e shqiptarëve, rriti çmimet, uli fuqinë blerëse, falimentoi bizneset dhe solli shkatërrimin e ekonomisë në çdo hallkë të saj. Raporti i FMN mbështet atë që PD do bëjë realitet: taksimin e thjeshtë dhe transparent,” konstaton Lulzim Basha duke saktësuar planin ekonomik të Partisë Demokratike:
“Taksa e sheshtë 9% dhe plani ynë ekonomik do të inkurajojë investimet e brendshme dhe të huaja, do të nxisë punësimin dhe do të rrisë fuqinë blerëse,” thekson Kryetari i Partisë Demokratike në reagimin e tij përmes rrjetit social Twitter duke përfunduar:
“Shqipëria në punë, mirëqenia për shumicën dhe jo një pakicë, do të jetë realitet i prekshëm për të gjithë!
