Dramatike! Ja çfarë zbuluan autopsitë që iu bënë viktimave të koronavirusit!

Autopsitë e personave që kane vdekur nga koronavirusi kanë ndihmuar mjekët të kuptojnë se si sëmundja prek trupin dhe dhe se e gjitha ka të bëjë me mpiksjen e gjakut. Kështu u shpreh shefja e departamentit të patologjisë në Qendrën Mjekësore NYU Langone, Dr.Amy Rapkiewicz.

Disa pacientë me COVID-19 dihet se zhvillojnë problematika të koagulimit të gjakut, por shkalla dhe masa në të cilën ndodh, raporton CNN, është përshkruar si “dramatike” nga Rapkiewicz.

Në fazat e hershme të pandemisë, infermierët vunë re shumë mpiksje gjaku në damarë dhe jo vetem, tha ajo, duke shtuar se

“Ne vumë re se mpiksja e gjakut nuk ishte vetëm në damarë apo kanale të mëdha, por edhe në ato të vogla”.

“Kjo është dramatike, sepse ne mendonim se problemet më të mëdha mund të ishin në mushkëri, por ne zbuluam mpiksje gjaku në çdo organ të trupit gjatë autopsisë,” tha ajo duke shtuar se autopsitë treguan gjithashtu diçka të pazakontë për qelizat e mëdha të palcës së eshtrave. Studiuesit shpresojnë të zbulojnë se si këto qeliza ndikojnë në mpiksjen e damarëve apo arterieve të gjakut.

“Patologët janë habitur nga diçka që nuk e gjetën. Gjatë fazave të hershme të pandemisë, mjekët menduan se virusi do të provokonte inflamacion në zemër me miokardit,” tha Rapkiewicz duke saktësuar se autopsitë kanë gjetur një prekje shumë të ulët të miokarditit.