Kosova i jep lamtumirën e funditFadil Vokrrit

I jepet lamtumira e fundit legjendës së futbollit të Kosovës. Kryetari i FFK-së së Kosovës, Fadil Vokrri është varrosur me nderime të larta shtetërore në varrezat e qytetit të Prishtinës.

Fadil Vokrri, 57-vjeçar, ndërroi jetë të shtunën në mëngjes, pas një sulmi në zemër.

Përfaqësuesit e institucioneve të Kosovës e kanë vlerësuar lartë punë dhe veprën e kryetarit të Federatës së Futbollit të Kosovës, Fadil Vokrrit për sportin e Kosovës.

Në ceremoninë e varrimit kanë marrë pjesë zyrtarë të lartë nga Kosova Shqipëria e Maqedonia, përfaqësues të partive politike, zyrtarë e udhëheqës të klubeve sportive nga rajoni e më gjerë, sportistë dhe qindra qytetarë.